X
GO
da-DKkl-GL
SIK
Tunitsivimmik umiarsualiineq ilaqutariippassuarnik eqquissaaq

20. aggusti 2020: Uummannami tunitsivimmik umiarsualiineq SIK-p Uummannami immikkoor­tortaata akuerinngilaa. (Uummannami SIP-mit oqaaseqaat)

Uummannami tunitsivimmik umiarsualiineq SIK-p Uummannami immikkoor­tortaata akuerinngilaa.

Tassami Uummannami nunami aalisakkanik suliffissuaqarpoq Avannaa Seafood-ip aamma Royal Greenlandip ingerlataannik, taakkunanilu sulisartut ilaqutariippassuarnik pilersuisut sulisorineqarput.

Umiarsualiinerulli kingunerisarpaa taakkuninnga angerlartitsinerit. Taa­maalilluni ilaqutariip­passuit aningaasarsiornerigaluat kipitinneqartarpoq. Akiligassanik akilersuineq eqqornerlunneqartarpoq, tamannalu pingaartumik ilaqutariinnut nukangasunik meeralinnut oqimaattaqaaq.

SIP Uummannap Naalakkersuisut kajumissaarpai umiarsuarmik tunitsiviliinissamut akuersisimanertik atorunnaarseqqullugu sulisartut ataavartumik suliassaqarnissaat qulakkeerumallu­gu.

Naggataatigut kattuffipput SIK kajumissaarparput tamatumani sakkortuumik taperseqqul­lu­ta – tassami ilaasortavut tunitsivimmik umiarsualiisarnerup kingunerisaanik ilaqutariittut aningaasarsiorniarnerminni erloqisinneqartarmata.

Inussiarnersumik inuulluaqqusilluta
Jokum Zeeb, siulittaasoq
Mobiltlf. 54 95 47